|
|
|
|
|
Buldring
Buldring
|
Det har utvikla seg eit aktivt klatremiljø i indre Nordfjord. Breførarar frå Olden Aktiv var
sentrale i utviklinga av klatrefelt i nærområdet. På Melkevoll Bretun er det eit større buldrefelt, og mellom
Loen og Stryn finn ein sportsklatrefeltet "Beachen", der mellom andre Vegard Vereide og Mikael Grasdalsmoen
var pionerar!
|
Ordet buldring kjem frå det engelske ordet "boulder" som tyder stor stein. Buldring er klatring på slike
steinar. Poenget er å ta seg opp på disse steinane langs ulike ruter. Ein treng klatresko for å buldre.
Det er og greitt å legge ei madrass (crash pad) på bakken under den ruta du skal opp.
|
Buldring
Sommaren 1997 starta breførarar frå Olden Aktiv å klatre på steinane på Melkevoll Bretun. To år seinare var
det børsta fram mange ruter, og en liten guide vart laga. I dag er det rundt 60 buldreproblem på Melkevoll
Bretun og alle er merka med nummer og gradert etter vanskegrad. Steinane ligg lett tilgjengeleg med gode
landingar. I resepsjonen kan du leige klatresko og crash pad.
Buldring med crash pad
|
Klatring
Det er fleire gode sportsklatrefelt i Indre Nordfjord. Breførarar frå Olden Aktiv og seinare Stryn Klatreklubb
har lagt til rette for klatring på cragget "Beachen" mellom Loen og Stryn, ein 30 minutters biltur frå
Melkevoll Bretun. Her er klatreruter på "Bølgen" og på "Beachen" som er gradert frå 4+ til 8+/9. Altså litt
for eit kvart nivå!
Buldreguiden
|
|
|
| |
